BAT NEI

Rom 1:14-15
‘Grik mite leh awze mite hnênah bat ka nei; mi fing leh mi fing lote hnênah pawh… Chanchin Ṭha ka theihtâwpa hril tûrin ka inpeih reng a ni.’

Tirhkoh Paul’an bat a nei. Greek mite leh Greek mi lote hnenah te, mi fing ber leh finglote hnenah pawh bat a nei niin a in sawi.

Eng nge a bat? Paula hi Krista chanchinṭha kawnga Tirhkoh thawhlawk berte zing ami a ni a. Chuti chung pawh chuan chanchinṭha hril chu a la bat fo thu a sawi.

Keini hian chanchinṭha hril ba vein kan insawi ngam em le? He khawvelah hian chanchinṭha hrilna tur tam tak a la awm si a. Chu hna thawh chu kan batah kan hlan ngam ve ang em?

Chu chanchinṭha hril hna chu thawk reng chung siin “Chanchin ṭha ka theihtawpa hril turin ka inpeih reng a ni” a ti hial a. Chu Krista chanchinṭha chu a zahpui lo bawk a ni.

Paula hunlai khan kristian nih a harsa em em a, chanchinṭha hril pawh a hautak hle a ni tih kan hria. Ringtute chu tihduhdah an ni a, nekchep an ni a. Khawvel mithmuhah chuan kristian nih chu a atthlak hle a ni. Mahse chung karah pawh chuan chu hna thawh chu ba-in a inhria a. Theitawpin huaisen tak leh taima takin a hril zel a ni.

Keini pawh hi chanchinṭha hril tur hian koh kan ni a. Kan nitin nunah chanchinṭha kan hril thei a ni. A ring apiangte tan chhandamna anih avangin chutah chuan Pathian thiltihtheihna a awm.

Ephesi 2:10 – ‘Thil ṭha ti atân Krista Isuaah chuan siama awmin, ama kutchhuak kan ni si a; chu thil ṭha tih chu kan awmna tûrin Pathianin a buatsaih lâwk a ni.’