RINNA

2 TIMOTHEA 1:12
‘Chuvâng chuan alâwm tûnah pawh hetianga ka tuar ni; mahse, ka zak lo ve; ka rina chu ka hria, a hnêna ka kawltîr chu, chumi Nî atân chuan a vawng him thei tih ka hre chiang a ni.’

Kum zabi 20-na laihawl vel lai khan ‘Tightrope walker’ an tih hi a awm a. Hrui sei tak zawhtu a ni ber awm e, a hming chu Blondin-a a ni.

Blondin-a chuan inches 2 thir hrui sei tak hi khawvela tuikhawh thla mawi bera an sawi Niagara Falls tan tlangin a thlung a, mite hnenah chuan, “Mihring anga rit ka darah hian ka dah ang a, ka zawh chhuah theih in ring em?” a ti a.

Mipuite chu an haw haw dur dur mai a. Blondin-a chuan KG 363-a rit ip chhûnga lei dah khah tlat chu a pu a, a zawh ta a. A zawh chhuak ta mai a. Mipui chuan hmuhnawm an ti a, mak an ti a, a ṭhen phei chuan an hlau a, an en ngam lo hial a ni.

Blondin-a chu ropui a inti em em a, mite hnenah chuan, “Mihring kan kokichhuan anga, he tuikhawhthla hlauhawm tak hi ka zawh chhuah theih in ring tak tak em?” tiin a zawt leh a. Mipui chu an ngawi ta ṭhuap mai a, mite chuan hmuh leh an chak a, mahse tumah an inpe ngam bawk si lo a ni.

A hnu-ah chuan tun hma-a Blondin-a thawhpui tawh, a manager chu a rawn pên chhuak ta a. Tichuan zawh turin an inbuatsaih a, Blondin-a chuan a manager hnenah chuan, “Nangmah in ring suh ang che, kei min ring ang che. Kan zawh laiin hawikir a, lêt leh i duh mai thei, mahse a theih loh ang. I ngaihtuahna i rin chuan kan pahnihin kan tla ang tih hria la, keimah chiah min ring ang che” a ti a. Tichuan an zawh ta a, an zawh chhuak ta a, mipui tam takten an thlir ṭhup mai a ni.

Hun harsa leh hlauhawm tak kan tawh changin Lal Isua’n amah ring tlat turin min duh a ni. Amah chu kan thlir tlat tur a ni a, kan rinna hi a nghing dawn lo tih hre chungin amah beisei tlat tur a ni.

Nangmah in ring suh ang che, kei min ring ang che.