A SAW RALTIANG TLANGAH

A SAW RALTIANG TLANGAH

I Petera 2:24
“Sual lamahte thi tawhin felna lamah kannun theih nan amah ngeiin thingah khan a taksain kan sualte a phur a; amah vuakna vualte chuan tihdamin in awm ta a.”

‘A saw raltiang tlangah Kraws hlun tak chu a awm’ tih hla hi hla lar tak, hnuk ti ulh thei khawp a hla tha a ni a. Kum 1913-a George Bennard phuah a ni a. Kum zabi 20 chhunga Christian Hymn lar berte zinga chhiar tel a ni nghe nghe.

Nikhat chu, Michigan atanga a rawngbawl haw lam chu a ngaihtuahnaah Kraws thiltihtheihna nasa tak a lo chhuak a. Khati taka krawsin a nun a khawih danglam theih avang leh kraws chu eng nge a nihna tak tak chu hriat chakin a thinlung a tuihal ta a. Tirhkoh Paula’n Krista tawrhna tawmpuina nun a tih chu eng nge haichhuah a duh ta tlat mai a ni.

George Bennard-a chuan Kraws chu Kristiante chhinchhiahna leh Sakhuana Symbol mai a nih loh zia chu Thlarau Thianghlim puihna vangin a hrefiah zel a. Chanchin Tha chhungril tak tak, a laimu a nihzia te chu a thinlungah a chiang zual a. He hla a phuah chungchang hetiang hian a sawi:

‘Kum 1913 khan, Albion, Michigan-ah ka awm a. Chung hun lai chuan min tiphurtu leh min chawk tho em em mai thil hian min nang a. ‘The Old Rugged Cross’ tih hla hi ka ziak ta a. A tir chuan a thluk ka siam ve ngial a, mahse duhthu a sam lo. Ka mamawh chhanna tura ka thinlunga dah sa ang mai hian he thu hi ka ziak har lo va. Pokagon, Michigan ah June ni 7, 1913 khan a vawi khat nan Special Meeting-ah pholan a ni a. Pokagon Kohhran pawn lamah chuan Chicago Evangelistic Institute-ah tarlan leh a ni a. Chumi hnuah khawvel ram zau zawka Kristiante hriat atan thehdarh a ni ta a ni.’

Chu kraws chu kan van kawng a ni a, thlah lova kan vawnin kan phurrit a lum bo va, Lalpa eng a lo lang a, kan zawh ta a, ‘ka van in kawng kraws a ni’ tiin zam lovin kan vanram nuam kawng kan zawh a lo ni.

“Chu kraws chu pawmin ka vuan zel ang, Thlafam dairial kan chan hma loh chuan. Thlah lovin ka vuan tlat zel ang a. Lallukhum hluah ka la chang ang.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy