PATHIAN THU

PATHIAN THU

1 LALTE 8:55-56
Mipui pung khâwm zawng zawng tân Pathian malsâwmna ring takin a dîlsak a. “A lo tiam tawh anga a mite hnêna remna petu Lalpa chu fakin awm rawh se. A chhiahhlawh Mosia hmanga a thutiam hlu tak tak chu a vawng reng a.

1 PETERA 1:24-25 “Mi zawng zawng hnim hring ang an ni, an ropuinate pawh hnim pâr ang a ni; Hnim chu a vuai a, a pâr chu a tla a, Lalpa thu erawh chu chatuanin a awm reng,” tih a ni. Chu ngei chu a ni Chanchin Ṭha an hrilh che u kha.” tih a ni.

Khawvelah chuan thil a lo piang a, mihringte pawh kan lo piang a, kan boral a, a dang an lo piang a, chutiang zelin thildangte pawh kumhlun reng an awm lo. Hebrai 13:8-a kan hmuh angin Isua Krista chauh chu niminah nen, vawiinah nen, kumkhua pawhin a pangngaiin a awm fo vang, tin a thu (Bible) pawh.

Kum zabi tam tak a liam a, Pathian thu chiah a dinna ngai a ding a awm.

Sipai Lal ram an lo ding a, an tluchhia a theihnghilh an ni a, Pathian thu erawh a tluchhe ve lo a, theihnghilh a ni lo bawk.

Lallukhum khumtir an ni a, paihthlak sak an ni a, mahse Pathian thu erawh paihthlâk tumte chu paihthlâk an ni zâwk ṭhin.

Mihringin Pathian a awm leh awm loh kan chhui pha lovang tia ringtute chuan nasa takin bei mah se Pathian thu chuan a ni telin thudik a puang chhuak si a.

Eng ang pawhin miten ring lo mah se a ding nghet tho tho. Rallâk hriamhrei hmangin chhun cher nuk mah se Pathian thu chu tihboral theih a ni lo a, meipuiah thlâk pawh nise a thiltihtheihna chu farkhat pawhin a kiam chuang lo.

Lal Isuan, “LEI LEH VÂN A RAL ANG A, KA THU ERAWH CHU A RAL LO VANG.” a ti si a. (MATHAIA 24:35)

LUKA 21:32 – Thu dik ka hrilh a che u, chûng thil zawng zawng chu a lo thlen hma loh chuan tûnlai mite hi an ral hman lo vang.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy