KHAWVEL LAWM NAN

SAM 98:1
A thil mak tih ropui tak avângin, Lalpa chu fakin hla thar sa rawh u, A kut ding lam leh a bân thianghlim ngei chuan Chhandamna a rawn thlen ta.

Krismas ti Krismas em em tu chu ‘Khawvel lawmnan a lo kal‘ tih hla, Isaac Watts-an kum 1719-a a tihchhuah kha a ni.

Kum tam tak liam taah khan Thuthlung hluia Davida fakna hla (Sam) sak ho dual dual ringawt chu an hne a, Samuel Wesley-a phei chuan thlâk a duh thu a au chhuahpui a, mi tam takten ihe lovin an ṭawmpui nghal hial a ni.

Chung boruak invawrh hun laia hotute lawm hlawh lo protestant rawngbawltu leh French Calvinist fanu raltlan fapa duhawm tak, Isaac Watts-a a rawn nei a, mahse vanduaithlak takin he khawvelah hun khirh tak a rawn hmachhawn nghal a, kum 14 teh meuh tiduhdahna leh chhungkaw harsatna tlâkbuak kârah a rawn seilian a. Chuvangin natna khirhkhan tak a tuar a, fit 5 bâk a ṭhang thei lo a, hrisel lohna phuar velin a nun a hman phah a ni.

Mahse a rilru erawh a paukhauh a, a thlarau nun pawh a hrisel lawi a, hla phuah thlengin a chemkalna a nihzia a rawn puangchhuak a. Pathianni tukkhat inkhawmah chuan, Isaac-a, kum 15 chauha upa chuan inkhawma hla sak dan kalphung chu huai takin a rawn sawisel a. Chutah le, an Deacon pakhat chuan a hmêl a enin a zuam ta a, “A ṭha zâwk i hriat chuan min han kawhhmuh la, tlangval” a ti a.

Beihna leh harsatna tam tak paltlang thei khawpa mi rilru paukhauh Isaac Watts-a “Father of English Hymnnody’ an tih hial tak chuan chuti nanana chu tiin ‘Joy to the world‘ tih hla a rawn phuah ta a ni.

Krista lo pianna chu mawlmang takin, fiah fel fai bawk si a a rawn puanchhuah avang hian khawvela Kristian hrang hrang (Christendom) te hriathlawh berte zinga mi a ni ta a ni.

Kan Lal lo piang lawmin kan thinlung hmun zawng zawng atan i kian ang u.