TLEIRÂWL NGAIHSAK

SAM 25:7
Ka tleirâwl lai sualnate leh ka bawhchhiatnate chu hre reng suh ang che.

Tleirâwlte hian daihriat an la neih tlêm avângin an hmalam hun tûr thui tak an thlîr thiam ve lo. Chutiang a nih laiin an tleirâwl hun an hman thiam leh thiam lohvin chhuan tam tak a nghawng thei a, chuvângin an kal thiamna tûra ngaihsak leh kawng kawhhmuh hi an nu leh pate mawhphurhna a ni. Davida anga Pathian hmaa thupha chawi chûk ngai lo tûra kawng dik zawhtîr a pawimawh.

Kan tleirâwlte sualin a beihna hmanraw langsar tak takte chu sex leh zûk leh hmuam tih rûk duhna a ni fo. Kan fate hawi lam hi kan hriat a pawimawh, hrilh ṭul nia kan hriat chu tlang taka hrilh zêl tûr a ni. An zawm lo a nih chuan an thû a ni ve tawh mai a, an chunga kan mawhphurhna chu kan hlen ngei tûr a ni. Tun laiah, vaihlova siam a hmuam chi (Shikhar/Tiranga leh a dangte) kan tleirâwlten an ti nasa hle a. Hêngah te hian i veng ṭha ang u.