INTHLAN THUCHAH

– Chhantea (Oriela patea)
East Lungdar

RO MIN RÊL SAK ANG CHE

Aw nang kan Lal kan Pathian,
I hming ropui ber se,
I hma a kan lo kûn hian,
Kan dîl ngaithla ang che.
Kan awmdan tûr ngaihtuaha,
Mipui kan inkhawm in,
Finna ropui min pe la,
Ro min rêl sak ang che.

Naktuk ah mai khian inthlang ram kan nih angin kan aiawha rorêlna inpuia kum 5 chhûnga ṭhu tur mipuiten kan thlang dâwn ta. Kan aiawh tûr Zoram aiawh tûr thlang tûr kan ni a, ngaihtuahna chhûngril ber hmangin party ruihchilhna boruak paihin Zoram tân vote i thlâk ang u.

Party tin an harh a. Candidate te mipui vantlâng ngaihzawn leh ngaihsân, anmahni zâwn ṭheuha hming hliauna neilo thlanna âwm tak tak te an vawrhchhuak a. Tumah hi sitawm leh ṭha lo tûr an awmlo, keini aia mifel vek an ni. Chutih rual chuan kan ram hi thlir tel ila.

Kan hnam hi hnam tlêm te, ṭawng amaha chimral tham lek kan intih fo hi. India ram sakhaw hrang hrang zîngah pawh kan sakhua hi a tlêm ber, tihduhdah pawh tuar nasa ber kan ni hial awm e. Chumi vang chuan chunglam râwn chungin vote i thlâk ang u.

Heng hi i ngaihtuah ngai em?
1. Hei hi vote ila ka ram ka hnam sakhua hi a him ang em?
2. Miṭha tak a ni. Mahse Zoram tân MP ni ta se engnge tih tum (vision) a neih? Mi ṭha ringawt nilovin kawnghmang hria a pawimawh.
3. Kan ram leh hnam hmêlma bil pahnih (2) te hi engtia do nge a tum? Do ngam tûrin engnge a zawmpui party tih te.

Hawh u, kan ram leh kan sakhua himna tur chiah i vote ang u.

Kan ram leh hnam, Sakhua damna hi naktûkah i kutah a innghat e.

Chuvangin aw kan Pathian
Hei hi kan dîl ber che,
Kan ram kan hnam min hruaia’n,
Nang chauh kan thlang ber a che.