Nun Kawng Chaw

KAN AWM DÂN

KAN AWM DÂN

— Chhantea (Oriela patea)
E. Lungdar

Mi tin hian awm dân khawsak phung hi mimal nunah, chhûngkuaah, vantlâng nunah, kohhran leh khawtlâng pawl hrang hrangah kan nei vek ṭhin.

Mihring chu tu pawh Eden bawhchhiatna ata famkim tawh lo, ṭhatna lai leh chhiatna lai nei vek kan ni a. Kan awm dân te hi insiamṭhat fo kan ngai ṭhin a ni.

Tunlâi ṭhalaite khawvêl chu ‘It’s my life – hei hi ka nun a ni, tuma sawi theih a ni lo’ tiin kan nun atân mahni kan inhumhim a. Kan duh dân dânin kan nung a, kan duh duh kan sawi a. Kan châk zâwng apiang kan ti a. Nu leh pa ten min sêlin min zilh dâwn se… hei hi ka nun a ni kan ti tlat si. Kan zonun ze mâwi leh kristian nun dân kan bosan tial tial niin a lang.

Hei hi ka nun a ni ti ṭhîn mah ila siamtu nei, neitu nei kan ni. Kan thi fo ṭhin a, mihring tâwp chin nei kan nih avang hian hawh u… he khawvêla kan châm chhûng tawiteah hian midangte nên inrem tûrin kan awm dân siam rem ngai te i siam rem ngam ang u.

Mi Pathian hmaa a tlâwm chen apianga mihringpuite hmaah pawh tlâwm thei. Keimah vânga midangte insiamrem tûra ti lovin keimah zâwk hi midangte tân i insiamrem zâwk ang u. Chu chu Pathian thu a ni.

THUFINGTE 21:2
Mi tin awm dân hi mahni mitah chuan a dik tih a ni a; Nimahsela, Lalpan thinlung a bûk ṭhîn.

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
lalchhanmawiaK.Lalrinfela Recent comment authors
  Subscribe  
newest oldest most voted
Notify of
K.Lalrinfela
Guest
K.Lalrinfela

Chhiar a manhla thin hle mai..

lalchhanmawia
Guest
lalchhanmawia

ka thuziak tlawm te te min lo chhuahsak piah ah min lo chhiarsak thin tu te chung ah ka lawm a. Pathian lam ah hlawkna duhawm tak in chhar theih ka duh in ka beisei a. chu chu ka tawngtaina ni e

Copyright © 2017-2019 Our Daily Bread Mizo.
Privacy Policy