BUH CHI THEH THU

BUH CHI THEH THU

MARKA 4:8
Tin, a ṭhen lei ṭhaah a tla a, a ṭo va, a ṭhang lian a, a rah ta a; sawmthum te, sawmruk te, za tein a pung ta hlawm a,” a ti a.

Buh chi theh tehkhin thu leh a hrilhfiahna hi Lal Isua sawi a ni a, Chanchin Ṭha hmasa pathumah kan hmu vek bawk. He tehkhin thu hi hriat sual palh ve theih a ni a. Buh chi tlâkna leilung lam aiin a buh chî zâwk lam emaw kan nih intih mai a awl hle. Tu tih dân emaw angin, “Ṭhiani, khawiah nge tla vea i inhriat?” tih mai awl tak a ni ve bawk.

Mizote hi Pathian thu duh tak anga kan lan rual hian Pathian thu hian keimahniah zung nghet a kaih tak tak lo hlein a lang. Harhna boruak kan hîp zin ngaihtuahin kan thinlungah Pathian thuin hmun a chang thûk thei lo hle. A sawitu lam chuan Pathian thu an sawi a, an tih tûr an ti zo mai – thu a tlâkna thinlung lei kan leh phut ṭhat a pawimawh a ni. Rah chhuah hi Pathian min duh dân a ni a, kan thinlung lei khekte kan leh chuan nasa takin rah kan chhuah thei dawn a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy