THIL MAK A TI THEI LO

MARKA 6:5-6
Tin, mi damlo tlêm te chunga kut nghata a tihdam chauh lo chu, chutah chuan thil mak rêng a ti thei lo va. An rin loh avângin mak a ti hle a. Tin, zirtîr chung zêlin khuate chu a fang vêl a.

Lal Isuan mi tam tak a tihdam a, thil mak tam tak a tih hnuah a seilenna khua Nazaret a lo thleng a. Chawlhni a lo nih chuan inkhâwmna inah a zirtîr a, a thiltihtheih chungchuanzia an hriatin an îtsîk a, a chungah an lung ni ta lo va. Damlo tlemte a tihdamte bâk thil mak dang a ti thei ta lo a ni. Lawmpui âwm tak an nih laia a chunga an lung ni lo hlauh hi a mak hle.

Pathian hi engkim ti thei a nih rualin a tâna thinlung hawng duh lote hnênah chuan a thiltihtheihna a lantîr mai ngai lo va. Thlarau Thianghlim a zalenna apiangah a thiltihtheihna leh ropuina lan chhuahtîrin a awm ṭhin. Kan mi mal nunah leh kan chhungkuaah ngei pawh hian Thlarau Thianghlim hi a zalên em aw? A ropuina a puan chhuah theih lohna chhan hi kan lo kawl ru ṭeuh palh ang e! A duh anga a chêt theihna tûrin kan thinlung a lamah i hawng ang u.