THLARAU RAH – DAWHTHEIHNA

KOLOSA 3:12
Chutichuan, Pathian mi thlan, mi thianghlim leh duh takte ni âwm rêngin, thinlung taka inlainatna te, ngilneihna te, inngaihtlâwmna te, thuhnuairawlhna te, dawhtheihna te chuan inthuam rawh u.

Kan Pathian hi ‘Pathian dawhthei’ a ni a, a nihna dik tak hi kan mihring puite bulah pawh lan chhuahtîr ve tûrin min duh. Dawhtheihna hi mihring nunhonaa thil pawimawh tak a ni a, a tel lo chuan mihring nun hian ngaihno a bei thei lo. Hetiang a nih avang hian thlarau rah zîngah pawh hian a tel niin a rinawm.

Ringtu nun hi a nuam lam ringawt ni lovin, harsatna leh tawrhna paltlang tûr a tam êm êm a. Dawhthei tak leh chhel taka tuar zêl peihten hnehna an chang ṭhin. Vanduaina leh chânnate pawh kan chungah a thlen Pathian pawhin a phal ṭhin a. Hetiang hunah takte hian dawhtheihna ringtuin a mamawh ṭhin. Pathian hnathawh kan beiseinaahte pawh hian kan nghâkhlelin kan hmanhmawh lutuk fo ṭhin a, Pathian sana hi a tlâi ve ngai lo a ni tih pawh i hria ang u.