MUHIL SUH

ROM 13:11
Tûnlai thil awmzia in hriat avâng leh, muhîl thawhharh a hun tawh takzet tih in hriat avângin chu chu ka sawi a ni.

Kum engemaw zât kal taah khan tlangvâl pakhat hi Niagara luia mite lawnga hruaikai tuah a ṭang ṭhin a. Ni khat chu hruaikai tûr an awm loh avangin lawngah chuan a mu a, tui chu a in lentîr ṭhin a. Chutianga a ti chu a lo muhil ta a. Vâukama mite chuan an au vak vak a, mahse a harh thei chuang lo va. Lung a su a, a harh mai an ring a, a la harh chuang lo va. Tui khauh tak chuan a la ta a, chu veleh chuan a harh ta a; mahse tihngaihna a awm ta lo. Khawvêla tuikhawhthla sâng ber dawt Niagara Falls an tihah chuan a tla thla ta vawn vawn mai a ni.

Mi tam tak chu thlarau lamah kan muhil a. Pathianin kan chhûngte hmang te, mi tute emaw hmangtein min auh harh a tum ṭhin a, mahse kan bengkhawn lo va, a tâwpah thihna kut vâwtin min man a, inchhan theih a ni tawh ṭhin si lo. Unau duh tak, meng la, harh rawh; i tlai palh hlauh ang e!