A TA KAN NI

SAM 139:4
Ngai teh, aw Lalpa, nangin i hriat fai vek loh chu, Ka leiah hian thu rêng rêng a awm lo.

Kan taksa, thi thei leh ral mai tûr ni si hi awmze nei leh thil ti tûra siam a ni a. Chu chu kan hriat hmâ chuan min siamtu Pathianina keimahni-a a thil tum hi kan hrefiah ngai lo ang a. Nun hian awmzia rêng a nei lo ang.

I lungphu kha han ngaithla teh le. I kut zungṭang kha han chêt vêl teh. I ke zungṭangte kha han chêt vêl la, i duh dân takin i lu han her vêl teh. Hêng hi hre reng ang che.
• Tumahin i taksa ang leh i kutphah zia ang kha an nei ve lo.
• I aw râwl chhuak ang chiah kha tûmahin an nei ve lo.
• Tumahin i inthlahchhawnna chi hrang hrang kha an nei ve lo a, i ruangâm leh i taksa hawiher ang kha an nei ve lo.

Chûng lo pawh Pathianin a din leh ruahman ang chein tumah a dinin a ruahman lo a. Nangmah chauh kha nangmah i ni. I nun hlui ang tumahin an nei ve hek lo a, i thil tih tawh te, i sawi tawh te tumahin an ti bawk lo. Pathianin duh takin midangte ang lovin ropui takin a siam che a ni.

Pathian chuan a bo a bâng awm lovin a siam dân che a hria a, eng vanga siam che nge i nih tih pawh a theihnghilh lo. I nuna thil thlengah felhlel a awmin siamṭhat dân a hre vek a, a thupêk aṭanga i tlanbo pawhin lâk lêt leh dân che a thiam a ni.

Danglam takin ama tân, a ropuina tûrin a siam che a, a kutchhuak i ni a, chhinchhiahna che pawh a nei a ni. A hnên ata kan tlanbo-a, mahse min zawng chhuak a, min tlan a, a thisenin min lei a, kan taksa hian amah chu kan chawimawi mai tûr a lo ni.

1 KORINTH 6:20
Mana lei in ni tawh asin; chuvângin, in taksaah chuan Pathian chawimawi rawh u.