HMANGCHANG (MI INA LENNAAH)

MATTHAIA 5:16
Chutiang bawkin in êng chu mi mit hmuhin êng rawh se; chutichuan, in thiltih ṭhatte an hmu ang a, in Pa vâna mi an chawimawi thei ang.

Kan Mizo pi leh pute pawh khân mi ina an lên dâwnin in arbâwm chu a va ṭha ve tiin emaw thawm nei hmasâin mi kawngkhâr an hawng chauh ṭhin. Tûnlaiah hmehrîk kan hmang fur tawh a, a awm lohnaah pawh kawngkhâr kik kan chîng a, a mawi hlê. Vai zîngah chuan mi ina luh dâwnin pheikhawk phelh a mawi a. Ke tahna tûr dahnaah chuan ke tahfai a mawi.

Mi ina kan lênin an phalna la hmasa lo chuan TV, Computer etc. hman leh khawih loh hi a mawi. Mi thil va sawisêlsak aiin faksak a lâwmawm. Mi chhûng inkhâwm hun te, chaw ei hun te, lehkha zir hun te, hna ṭûl an neihte ngaihchân thiam hi a mawi hle. Tûnlaiah mi kan ṭûl tawh a, tih tûr ṭûl neih loh chuan rei tak tak lên loh a ṭha.