HMANGCHANG (INLÊNGTE CHUNGAH)

MATTHAIA 7:12
Chutichuan, thil engkim miin in chunga an tiha in duh tûr ang apiang chu, mi chungah pawh ti ve rawh u; chu chu dân thu leh zâwlneite thu a ni rêng si a.

Mizote zîngah ui vulh kan tam hle a, inlêng tam tak tân an hlauhawmin hnawksak an tling. Ui vulhtuten kan khuahkhirh ṭhat a pawimawh. Inlêngte rilru inhawng taka lo dawnsawn hi in neitute tih tûr a ni a. Hman lohna neih chuan tlang taka hrilh ngam bawk tûr a ni.

Ei leh in lamah kan induhsak ṭhin hi a ropuiin a mawi a. Hêngah pawh hian kan hrisêlna a inchen loh avangin ei leh in kan siamsak dânah inlêngte duh dân inzawh hmasak hi a mawiin a finthlâk. Inlêngte bula an ṭawng vena tûr awm lo khawpa lo ṭawngte hi chîn loh a ṭha a, tute emaw an hriata rêlte hi tih loh tûr a ni. Inlêngte an hâwn dâwna din emaw kawngka thlenga thlahte hi a mawi a. A nazawnga tih theih ni lo mahse tihâwm chi-ah chuan tum hram tûr a ni. Miin kan chunga an tiha kan duh tur angin mi chungah i ti ṭhin ang u.