JOSEFA

GENESIS 39:9
Chutichuan, engtin nge he sual lian tak hi tiin Pathian chunga thil ka tihsual theih ang?” a ti a.

Bible-ah hian Josefa hming pu 13 vêl an awm a, chung zînga kan sawi tûr chu Jakoba fapa Josefa a ni. Bible-a challang leh entawn tlâk tam tak hi chanchin ṭha lo lai nei tel an ni hlawm a, Josefa erawh hi chu a nun pumpui mai hi belhchian a dâwl êm êm vek mai a. Potiphara nupuiin mutpui tûra a thlêmna a hnar thei hi a nun timawi zualtu a ni.

Mi tam takin inneihna pâwn lama sex hmante hi kan la zam êm êm a. Josefa erawh chuan sual lian tak leh Pathian chunga thil tihsualna a nihzia a lo hmu fiah êm êm ringawt mai a ni. Josefa hi mal tlat ngam nun neitu dik tak a ni. Tin, a chanchina sawi loh theih loh amah hralhtu a unaute hmaa, ‘heta mi kaltîrtu hi nangni in ni lo va, Pathian a ni zâwk e’ a ti dap theite kha a ni! A chunga thil sual titu a unaute a ngaidam thei ang hian kan chunga kan unauten thil an tihsualin kan ngaidam ve thei em le?