KAN RAM MAMAWH – HMANGAIHTU DIK

PHILIPPI 2:8
Tin, mihring anga lo awmin a inngaitlâwm a, thi khawp hiala thu zâwmin a lo awm ta a, krawsa thihna ngei chu.

Vawiin hi British nghâwngkawl aṭanga kan ramin zalenna a hmuhna ni (Independence Day) a ni a. He ni ropui tak lo her chhuakah hian hmangaihtu dik Lal Isua nun aṭang hian ram hmangaihtu dik kan mamawh dân te lo sawi ila.

Hmêlmapa Setana ram la lêt leh tûrin vân ropuina a kalsan a, ran thlêngah a lu nghatin a tâwpah kraws-ah a nunna a hlân a. Hei hian hmangaihtu dik tak a nihzia a lantîr chiang hle! Mahatma Gandhi pawh khân India ram a hmangaih avângin a tuar nasa hlê a, a thih pawhin rokhâwm tûr mumal pawh a nei lo a ni. Ram tin hian hmangaihtu dik a mamawh a. Ram tâna nun pêk a hnêka a thau sawh tum tlat hote hi ram hmêlma an ni. Ram hmangaihtu dik tak chuan a tuar a, a chân phah hial ṭhin. Mizoram hruaitute leh sawrkar hnathawkhote hi ram hmangaihtu dik takah kan ngai thei em le?