HUN

SAM 118:24
Vawiin hi Lalpa ni ruat chu a ni, Hlimin i lâwm ang u.

“Khawiah nge hun hi a kal zawh ṭhin?” tih zawhna hi a ho kan ti viau mai thei e. Kâr hmasate kha nimin ang chauhvin kan la hre vek thei a, kum kalta-a thil thlengte pawh kan ngaihtuahna-ah chuan kan bul lawka awm ang a la ni a. Mahse, kan hmanral tak tak dân hi a chipchiarin tu mahin kan hre thei lo a ni.

Zai thiam, Jim Croce chuan a hla lâr tak, “Bottle-ah hun” tihah chuan ti hian a ti; ‘I thil tih duh ti tûra i hun mamawh i neih hunah chuan i duhkhawp hun i hmu lo ang’ tiin. Hlimna kan zawng a, mahse chu hlimna chu nei mah ila, kan tum ber kan thlen kimna a ni chuang lo a, chûng zawng ai chuan ni tina ṭha taka kan nun kan hman hi a lo pawimawh ber a ni, a ti bawk.

‘Old English Prayer’ an ti a. Chuta an ṭawngṭaina hla chu hetiang hi a ni.

• Hnathawh nan hun hmang rawh; hlawhtlinna a ni.

• Ngaihtuah nan hun hmang rawh; chu chuan thil a tithei hle a ni.

• Infiam nan hun hmang rawh; kumkhuaa ṭhalai nih theihna a ni.

• Lehkha chhiar nan hun hmang rawh; chu chu finna lungphûm a ni.

• Ṭhian kawm nan hun hmang rawh; hlimna kawng pawimawh tak a ni.

• Mi dangte malsawm nan hun hmang rawh; Pathian lung tih awina a ni.

• Nuih nan hun hmang rawh; Thinlung tâna rimawi ṭha ber a ni.

“I hun tithianghlim la, Lalpa pâwl fo rawh.”