AN SAWI ANG NI LO

AN SAWI ANG NI LO 1

LUKA 6:37
Sawisêl suh u; chutichuan, sawisêlin in awm lo vang; tu mah thiam lovah ruat suh u; chutichuan, thiam lohvin in awm lo vang; ngaidam rawh u; chutichuan, ngaihdamin in awm ang;

Mi chanchin sawi châng kan nei ṭhin a, miten kan chanchin an sawi châng pawh a awm ang. Mahse mi sawi ang zawng zawngte hi kan lo ni ṭhin lo va, chuvangin a chhe zâwnga mi chanchin kan sawi a nih phei chuan kan fimkhur hle tûr a ni.

Vawi khat chu naupangho hi tualzawl nuam leh mual nuam takah lehkhachaih an chaih a. Naupang pakhat lehkhachaih chaih lai chu a chhe thut a, a bula huan zau tak, thîrlêna in hung tlat chhûngah chuan a vir thla ta a. A ṭhiante chuan chu huan neitupa chu pa lian tak, hmuihmul nei khup mai a nih thu te, a huana lût apiangte chu a hauh hrep ṭhin thute an sawi a, a sual êm avangin an hmuh apiangin an tlanchhe ṭhin, tiin an sawi a.

Mahse chu naupang chuan a lehkhachaih chu a neih chhun, a pain a siamsak anih avângin a ui em em a, putar awm loh lai anih ringin thîrlên aṭang chuan a lût ta a. Lehkhachaih chu lâk tuma a han ban chiah chu chu putar chuan a rawn ko ta a, “Mama, eng nge i tih a?” a rawn ti a. Chu naupang chuan a hlau ta êm êm mai a. Mahse putar chuan aw nêm tak chuan, “Mama, eng nge i hlauh a, hlau suh, ka tina lo ang che,” a ti a. A lehkhachaih chu a lâksak a, Gate thleng chuan a thlah ta a. “Hlau reng reng suh, i lo kał leh dâwn anih pawhin Gate bula Bell hi i rawn hmet tawh dawn nia,” a ti a, a kalsan ta a.

Tu nge a nih kan sawi ṭhin ang ai hian mite hi an lo ṭha ṭhin a, mi sawi dân aṭang ringawta hmachhawn emaw dawnsawn emaw hi a ṭha ngai lo. Ṭha tak leh fel taka mi kan indâwr chuan mi zawng zawng hian ṭhatna lai kan nei vek a ni. Chuvangin mi chanchin ṭha lo laite hi uchuak taka sawi tûr a ni lo a. Chu chu ringtute tân phei chuan tih miah loh tûr a ni.

MATHAIA 7:1
Sawisêl suh u, sawisêla in awm loh nân.

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
K.Lalrinfela Recent comment authors
  Subscribe  
newest oldest most voted
Notify of
K.Lalrinfela
Guest
K.Lalrinfela

Mi rel hi kan chin hian hlawkna a awm mawlh loh reng a ni..

Copyright © 2017-2019 Our Daily Bread Mizo.
Privacy Policy