SUALNA HNEH

ROM 12:21
Sual ngam chein awm suh la, ṭhatnain sual chu ngam zâwk rawh.

Khawvêlah sualna chi hrang hrang a tam êm êm a, mahse Bible chuan ṭhatna hmanga hneh tûrin min zirtîr a, a har hle ṭhin a ni. Mahse Bible-ina thil ṭha min zirtîr hi theih loh a awm lo, Pathian nên chuan engkim tih theih a ni.

Mi dukdak lo tak hian nu pakhat dâwr khâr tûr chu a lo thlîr reng mai a. Chu nu chuan a bag-ah pawisa tam tak a ak ṭhin tih a hria a. A tum dân chuan dâwr a khâr veleh a thim lai-ah a lo châng ang a, a thirsakawr chuan a bulah a tlân ang a, a zak hnuaia pawisa bag chu rang takin a pawt thla ang a, chak takin a tlân bo ang, tih chu a ni.

Tichuan, chu nu chuan dâwr chu a khâr ta ngei a, a zak hnuaiah pawisa bag pawh chu a zakzeh a, a thim lai a rawn kal chuan chu mi dukdak lo, misual chu a cycle chuan a rawn inkhalh phei ta a. Chu nu bag pawtthla tûra a han phar chiah chu lung lian tak a su a, na takin lei chârah chuan a insawh a, a accident ta a nih chu!

Chu misual chu a hliam nasa hle mai a, amah pawhin a tho thei lo a, a thi hnuang mai bawk a, chu dâwrkai nu chuan a pawisa bag chu misualpa accident-na bulah chuan a dah a, misualpa chuan a duh chuan a la thei reng a, mahse a che thei tawh si lo a ni. Chu nu chuan a kai tho a, damdawi inah a hruai ta hlauh mai a. Mak a ti êm êm a, ni 3 vêl damdawi inah chuan a awm a, chu nu chuan a kan ziah bawk a, ei tûr leh pawisa te pawh a pe ṭhin a ni. Damdawi in aṭanga a rawn chhuah chuan chu nu chuan a dâwrah a chhawr ta nghe nghe a. Chu misualpa chuan rûk a tum tawh lo, a chunga a ṭhatna chu rulh tumin rinawm takin a thawk ve ta a ni.

1 KORINTH 10:24
Tu pawhin mahni ṭhatna tûr mai zawng lovin mi dang ṭhatna tûr zawng zâwk rawh se.