SUAL TURA THLEMNAAH MIN HRUAI LUT SUH

MATTHAIA 6:13
‘Sual tûra thlêmnaah min hruai lût suh la, Mi sual lakah chuan min chhandam zâwk ang che,’ tiin.

He lai thu kan chhiara kan rilrua zawhna lo lang hmasa ber ṭhin chu Pathianin thil sual ti tûrin min thlêm ngai em ni? tih hi a ni a. He lai thuin a sawi tum zâwk chu ‘thlemna do zo tûrin min pui ang che’ tih niin a lang. Thlêmna hi ringtu tân chuan ‘fiahna’ a ni a, hnehtu tân chuan fak leh chawimawi hlawhna a ni thei.

Ringtu tân thlêmna pumpelh ngawt theih a ni lo. Lal Isua pawh thlêma awm tûrin thlalêrah hruai a ni zâwk (Mt.4:1). Jakoba chuan, “Ka unaute u, in rinna fiahna chuan chhelna a siam tih hriain, thlêmna tinrêng in tawh hunin lâwmna hlîrah ngai rawh u,” (Jak.1:2,3) a ti a. Pathian mi langsâr tak tak hote hi thlêmna hautak tak tak lo hneh tawhte an ni ṭhin. Thlêmna hneh theihna pêk kan ni tawh a, thlêmna hi puitlinna kawnga min hruaituah hman ṭangkai thiam zâwk tûr a ni.