TUIPUI SEN KÂN THU

EXODUS 14:21-22
Tichuan, Mosia chuan tuipui chungah a kut a han phar a; tin, Lalpan zankhuain khawchhak thli na takin a rawn tlehtîr a, tuipui chu a nem kîrtîr a, tuipui chu lei chârah a chantîr a; tin, tuite chu a lo inṭhen ta a. Tin, Israela thlahte chu tuipui chhûng lei chârah chuan an kal ta a; tin, tuite chu an ding lampangah leh an vei lampangah chuan an tân bang a lo ni ta mai a.

Tuipui sen hi a dung lam mêl 1300, a vâng lam mêl 130 nia sawi a ni a. Bible-a a pawimawhna chhan ber chu Pathianin Israel fate mak tak maia a kântîr hi a ni a. Tuipui nem kîrtîr thei khawp thli nain mipui chhangchhe tak harsatna a siam thu hriat tûr awm rêng rêng lo leh tuipui a inṭhen veleha an kânna lai lei rova a lo chang ta mai kha thil mak a tling.

Pathian hian awmze nei takin engkim hi a thlentîr a. Israel fate chunga thil thleng tam takte pawh kha Thuthlung Thara mite dârthlalang tûra a lo thlentîr a ni ṭhin. Israel fate Pathianin tuipui sen a kântîr pawh kha Lal Isua hmanga chhandamna min buatsaihsak chungchangah a thlâwn a nihzia leh kan tel ve lohzia entîrna a ni kan ti thei awm e.