I KUT LEH KE HLÂN RAWH

MARKA 9:43-45
Tin, i kutin a tihtlûk che chuan tan mai rawh; kut pahnih neia Gehenna-a mei mit thei lova kal ai chuan, piangsuala nunnaa luh i tân a ṭha zâwk e. Tin, i kein a tihtlûk che chuan tan mai rawh; ke pahnih neia Gehenna-a paih ai chuan, kebaia nunnaa luh i tân a ṭha zâwk e.

Kan thil hmuh leh hriatte a chhe lam a ṭha lama tihlawhtlingtu chu kan kut leh kete hi an ni. Hei hi Lal Isuan a hriat chian avângin chatuan nunna hloh phah nâna hman ai chuan tan mai pawh kan tân a ṭhat zâwk thu a sawi a. Tan kher ngai lova ni tin a hnêna kan hlan mai zâwk pawh a ṭhain a rinawm.

England rama nula pakhat, F.R. Havergal-i, a nun zawng zawng Lalpa hnêna hlântu chuan a hla phuahah –
Kutte hi Lalpa ka pe,
I thuin phar fo rawh se;
Kete pawh i rawngbâwl nân,
Tlang takin kal fo sela.

a lo ti a. A kut a kete pawh Lalpa tân a lo hlân dîm diam tawh a ni.