TAKSA NGAIH PAWIMAWH

ROM 6:12-13
Chuvângin, in taksa duh zâwng in zawmna tûrin in taksa thi theiah chuan sualnain rorêl suh se. In taksa pêngte pawh fel lohna hriamhrei atân sualna hnênah pe phal hek suh u.

Mizote hi ‘a rau lam’ ngaisâng chi kan ni a. Chu chuan taksa ngaih nêpna leh ‘sawn thianghlim’ thleng pawhin rah chhuah a nei thei ṭhin. Kan dam chhûng chuan taksa thil leh thlarau lam thil a thliar hran tak tak hleih theih loh va. Taksa leh thlarau thilte hi kan ngai pawimawh ve ve tûr a ni.

Tirhkoh Paula chuan he kan taksa thi thei ngei hi Pathianin a duh ang takin a hnênah kan hlân tûr a ni tih hi a pawm dân a ni a. Chu taksa chu Pathianin a duh ang bawkin Setana pawhin sual rawngbâwl nân a duh a. Chuvang chuan a ni ‘in taksa thi theiah chuan sualnain rorêl suh se’ a lo tih ni. Lal Isuan a taksa kha Pathian duhzawng tihhlawhtlin nân a hmang a, Setana tân chuan a phal lo ang khân kan taksa hi Pathian tân chauh i hmang phal ang u.