JEHOVA – JIRE

GENESIS 22:13b,14
…tichuan, Abrahama chuan berâmpa chu a va man a, chumi chu a fapa aiah hâlral thilhlanah chuan a hlân ta zâwk a. Tichuan, Abrahaman chumi hmun hmingah chuan Jehova-jire a vuah a; vawiin thlenga, “ Lalpa tlângah ngaihtuah a ni ang chu,” an tih ṭhin ang hian.

‘Jehova-jire’ tih hi ‘Lalpan a hmu’ tih emaw ‘Lalpan a tumsak’ tihna emaw a ni; ‘Lalpa intumchawpna tlâng’ ti pawhin sawi ta ila a dik mai thei e. Moria tlâng an pan laiin Isaaka’n a pa hnênah halral thilhlan tûr beramno chu khawiah nge a awm? tiin a zâwt a. A pa Abrahama chuan Pathianin ama tâna halral thilhlan tûr chu a ngaihtuah chawp mai tûr thuin a chhâng kha a ni a (22:7,8).

An kal lamah an hmuh rêng rêng loh leh maichâm an siam mawlh mawlh lai pawha an hmuh rêng rêng loh berâmpa, a ki thing hnawka tâng chu Isaaka aia hlan tûrin pêkin an awm ta a. Pathian intumchawpna vang liau liau a nih hrerengin chu tlâng chu ‘Jehova-jire’ tiin Abrahaman a vuah ta a ni.