KOHHRAN: PATHIAN CHHÛNGTE

KOHHRAN: PATHIAN CHHÛNGTE

1 TIMOTHEA 3:15
Nimahsela, ka la awm rei tâk dahin, Pathian chhûngte zînga mi engtia awm tûr nge an nih i hriat theih nân ka ziak a ni; Pathian chhûngte chu Pathian nung kohhran, thutak ban leh innghahna chu an ni.

Tirhkoh Paula hian Timothea hnênah Pathian chhûngte chu kohhranho an nih thu leh kohhranho dinhmun a hrilh a. Hei hian kohhran nihna ropuizia a târlang chiang hle. Kohhran chu dikna leh rinawmna kenkawhna, miten rinna an nghahna hmun a ni.

Khawvêl mi lian leh mi ropuite zîngah chhûngte leh hmêlhriat ṭha deuh han neih vete a nuam ṭhin a, awmhmun aṭang pawhin kan lo inchhuan phah ve ngawt ṭhin. Lei leh vân siamtu, Lalte Lal, rorêltute Roreltu chhûngte kan han ni mai hi a va ropui êm! Kan ropui avang tak hian Pathian chhûngte ni âwm tak rênga he khawvêlah hian kan khawsak a pawimawh a. Kan êng pawh mi mit hmuhah a êng tûr a ni. He leia Pathian chhûngte hi vân chhûngkua nên Lal Isua lo kal hunah kan la in chhûngkhâwm dâwn a ni, a va nuam dâwn êm!

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy