THU SAWM PÊK 8-NA

EXODUS 20:15
I ru tûr a ni lo.

He thupêk hian mi dang sum leh neih thil inzahsak a phût a. Mi dang dikna te, himna te leh thlamuanna te vawng him tûrin a phût tel nghâl a ni.

Ru tih awmzia chu mi tâ a neitu phalna lova mahni tâ tûra la tih hi a ni kan ti thei ang. Rûkrûk hi hmânlai dânah pawh khapna a tam hle a. Mosia dânah pawh khapna tam tak târ lan a ni. Hmânlai kan pi leh pute nun kha a entawn tlâk hlê ṭhin; kawngka kalh nân thingfâka do kha a tâwk êm êm a. Tunah chuan chabi-a kalh pawhin awmzia a nei ta mang chuang lo. Bo theiapui a tam tâk avang hian mi tinte kan fimkhur a ngai ta tak zet a ni.

Min an tâ an kawlsa kan inrûksak bâkah – bûkna dik lo hman te, mi rethei leh pachhiate thau sawhsak ang chite leh mi thawh azâra kut tling lova hlâwkna lo lâk ve chînte hi rûkrûkna chi khat a ni bawk. Mi ta an hriat lohva lâksak duh khawpa mahni intodelh lote hi khawvêla mi khawngaihthlâk berte zînga mi an ni.