REMNA CHANCHIN ṬHA

EPHESI 6:14-15
Chutichuan, in kâwng chu thutaka hrêngin, felna âwmphaw chu hain, remna Chanchin Ṭha inbuatsaihna chu in keah bunin ding rawh u.

Setana duh zâwng ber chu ringtute tihhlum leh tihchhiat (Jn 10:10) a ni. A fing kherek a, a sual êm avângin Pathian ralthuam a inthuam a ṭul tih hi hriat tlat tûr. Remna Chanchin Ṭha chauh hian Pathian leh mihring inremna (Rom 5:1) a keng a, Rinna tel lovin, ‘Ama lâwm zawng mi’ a nih theih loh lehnghal. Mihring leh mihring inkârah te, ram leh ram inkârah te inrem lohna a tam hle, chin fel a ṭulin a pawimawh hle mai. Pathian leh mihring inremna Chanchin Ṭha (Mk. 16:15) hi kan tlangaupui a ṭul.

Chhandamna la chang lo tân remna Chanchin Ṭha a bun ve ngawt theih loh. Pathian nên inremin a chhandamna lawmawm tak hi i la chang lo anih chuan chhandamtu Isua pan rawh.

Remna Chanchin Ṭha thlentute,
Aw, an kê chu a va mawi êm!
An thâwm chu ram tinah a thang,
An thu kawlkil thlengin a thang chhuak ta.

Remna Chanchin Ṭha i bun reng ang u.