SAMSONA

RORELTUTE 16:17
Tichuan, a rilru zawng zawng chu a hrilh ta vek a, a hnênah, “Ka luah hian bakmehna rêng rêng rawih a la ni ngai lo va; ka nu chhûla ka awm lai aṭanga Pathian tâna Nazarit mia lo awm ka ni a. Tûnah hian lo inmêt ta ila, ka chakna chu a bo vek mai ang; tichuan, ka chak lo vang a, mi dang ang mai bawk ka ni ang,” a ti a.

Samsona hi Nazarit mi atâna serh hran ni mah se, a nu leh pa remtihpui lohvin Philistia mi, Timna khaw nula a nei a, chumi hnuah Sorek ruama mi Delili a ngaizâwng leh a, a thu awih loh avângin mualpho takin a tâwp a ni. Mi chak, chak si lo a ni.

Hmeichhiat mipatna hman sual avânga nunna chân pawh an tam ta hle mai. Vânduai vâng chu thu hran ni se, kan inthlahdah avângin HIV/AIDS-ah India rama langsâr ber zînga mi kan ni ta hial hi a pawi hle mai. Thlêmna rualin tlân chhuahna pawh a awm nghâl zêl a; châkna sual tlânsanin humsual kan dâi loh nân ṭan i la ṭheuh ang u.

Ṭanpui, Chhandamtu dîl la,
Thlamuan, tichak leh vawngan,
Aman a pui duh a che,
A hruai zêl fo vang che.

LALPA, i duh dâna thutlûkna siam tûrin min pui ang che.