RINAWMIN A AWM

2 TIMOTHEA 2:13
Keini rinawm lovin awm mah ila, Ani chu rinawmin a awm reng a ni; Amah leh amah a inphat thei si lo va,” tih hi.

Pathian leh a kohhran hmaa kan thutiam ngaipawimawh lo kan tam avâng hian fahrah leh rah ṭha lo sual chi hrang hrang kan ramin kan seng mêk a, inṭhen tamna state kan ni te hi a pawi khawp mai.

Mihring chu rei lo te tea rilru thlâk ṭhin, rintlâk loh leh nghet lo kan ni. Kan thutiam kan palzûtin kan bawhchhe fo ṭhin. Kan chunga rinawm lote chunga rinawm a har kan tih laiin Pathian erawh chu rinawm lo mah ila a rinawm tlat a ni. Pathian rinawm kan nei hi a va lawmawm êm! Amah angin rinawm zêl i tum ang u.

Kei anga mi suala tlu,
Chhanchhuaktu ngaite tân,
Sualna tlêng fai a, khawlohna ngaidam thei,
Ka Pathian ni âwm rêng a ni si.

LALPA, kan chunga i rinawmna avângin kan fak a che.