THIH THLENGIN RINAWMIN

THIH THLENGIN RINAWMIN

THU PUAN 2:10
I tuar tûrte hi hlau suh; ngai teh, fiaha in awm theih nân Diabola chuan in zînga mi ṭhenkhat tân inah a khung dâwn che u a ni; tin, ni sâwm hrehawm in tuar ang. Thih thlengin rinawmin lo awm rawh; tichuan, nunna lallukhum ka pe ang che.

Harsatna, fiahna leh thlêmna chi hrang hrang kan tawh lai hian kan thlaphângin kan nun zawng zawng hi sâwi nghînin a awm ṭhin. Han rah pelh lek lek châng leh beisei bo ṭhak chângte pawh kan tawng ṭhin.

Kan Pathian hian eng emaw châng chauh leh eng thilah emaw chauha rinawm tûrin min ti lo va, thih thlenga rinawm tûrin min duh. Bul ṭan ṭha viau si, a tâwp thlenga rinawm lo nih ai chuan, chak lo chung pawha muang changa kal a, rinawm taka hlen chhuaktu nih a ṭha zâwk. Kan chak lohna te, kan rinawm tâwk lohnate hria a thih thlenga bêl tlat mai hi thih thlenga rinawmna thurûk a lo ni.

A hnathawh chhunzawm zêl tûr tu nge awm?
Kei hi min thlang ta, ka Lal Isuan;
Lâwm chungin LALPA rawng ka bâwl ang a,
Thih thlenga rinawm tûrin.

LALPA, thih thlenga i tâna rinawm turin min pui ang che.

One Comment

  1. Tha lu tuk

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.