THISEN

LEVITICUS 17:11-12
Tisa nunna chu thisenah chuan a awm si a; in nunna atâna inremna siamna tûra maichâm chunga ka pêk che u a ni; nunna atâna inremna siamna chu thisen ngei chu a ni si a.’ Chu vâng chuan Israela thlahte hnênah, ‘Tu mahin thisen in ei tûr a ni lo va, ram dang mi in zînga khawsate pawhin thisen an ei tûr a ni hek lo,’ ka ti a ni.

Kan Bible-ah hian ‘thisen’ tih hi vawi 369 lai kan hmu a, scientist ten nunna hi khawiah ber nge a awm tia an zawn an zawn laiin kan Bible chuan nunna chu thisena a awm thu chiang takin a lo sawi daih tawh a ni.

Mihring puitling pangngai hian thisen litre 5 leh a chanve vêl a nei tlângpui a. Thisen hi a sen chi leh a vâr chi a awm a, group hrang hrang a awm bawk avângin a inmil vek lo. Damlo zai tûr thisen nei tlêm deuhte chu thisen an pe ṭhin a. Thisen dah ṭhatnaah hian thla 3 vêl thisen a dah ṭhat theiha sawi a ni bawk. Damlo natna zawn chhuahna ṭha tak chu an thisenah a ni. Nunna hi thisena a awm avângin Pathianin ei a phal lo va. Pathian phal loh thil a nih avangin ran thisen pawh hi pumin a ngeih duh lo hle. Bible-in ei loh tûr a tih ei lo theite chu an hrisêlna pawh a ṭha nge nge niin an sawi.