KRAWS KAWNG

JOHANA 19:17-18
Tin, ani chuan mahni tâna kraws puin, “Luruh hmun,” an tih, Hebrai ṭawnga Golgotha an tih chu, chumi hmun thleng chuan a va chhuak a; chutah chuan krawsah an khêng bet a, mi dang pahnih nên, a sîr tuakah pakhat ve vein, a laiah Isua.

Kraws kawng hi khawi aṭanga inṭan nge? Pilata lal in aṭangin em ni? Eng nge mahni kraws put chu ni ta ang le? Mahni khenbehna tûr kraws hi ka pu ve em? Kraws pu lo kristian a awm theih em? Kristian nih hi chhandam hlimna, lâwmna, chatuan nunna thurûkah a tâwp em ni?

Lal Isuan kraws kawng hreawm hi a pian aṭangin keimahni avângin a zawh ṭan daih tawh a ni. Ran chaw pêkna thlênga a mut kha kan tlanna tûr ni lo se a thlang kher lo vang. Aiguptaa a zuk vahvaihte kha tu nge thlang ang? Isuan, “Tu pawhin mi zui a duh chuan mahni hrehawm pawisa lovin, ni tin a kraws puin mi zui rawh se,” a ti.

Rinawm leh fel takin chu kraws chu vuan ila,
Hrehawmna leh mualpho dâwn lovin;
Nakinah, vân inah min la hruai khâwm ang a,
Chatuanin ropuina kan chang ang.

Kraws i pu ve dâwn em?