A KIN TA

JOHANA 19:30
Tin, Isuan uain thûr chu a lo in zawh chuan, “A kin ta,” a ti a. Tin, a lu a kûn a, a thlarau a thlah ta a.

Isuan a hun tâwpa, ‘A kin ta’ a tih awmzia Chu, ‘tih zawh a ni’ tihna a ni. Thil tih zawh tûr kan nei a; a tâwpah lâwm takin, ‘ka zo ta e!’, ‘ka zo fel ta pak mai’, ‘ka mâm ta pak mai’ tih nên hian a inzûl âwm e. Lunghnûr leh lâwm lo deuh ni lovin, kan chhandamnân hna hautak tak a zo ta chu ring takin, hnehtu au râwlin ‘tetelestai‘ – ‘It is finished‘, ‘A kin ta‘ a ti a ni.

Pathianin hna a pêk chu a pumin a ti zo vek a. A va lawmawm êm! Lal Isuan a tih tûr hi awlsam takin a ti bîk lo tih Gethsemane-ah kan hmu.

Kan nun hian Pathianin awm tûra min tih, ti tûra min tih kan zui em? Vawiina ka tih tûr LALPA hmaah ṭha takin ka ti zo em? Kan mawhphurhna kan ti zo em? Felfai takin kan hlen em?

LALPA, min pui rawh ni tinin,
Ka kraws chu pu tûrin;
I lungngaih no pawh in tûrin,
Ka tân i phur vek si.

Vawiina tih tûr naktuka tihah khêk suh.