ISUA LEH THOMA

JOHANA 20:29
Isuan a hnênah, “Nang chuan mi hmuh avângin i ring a ni; hmu lova ring apiangte chu an eng a thâwl e,” a ti a.

Thoma’n a tihsual Chu Pathian mite zîngah a awm lo hi a ni. Isua a zirtîrte hnêna a inlâr hmasak khân a tel ve lo. Zirtîr dangten an LALPA an hmuh thu an sawi pawhin a ni chuan a taka a hmuh a, a khawih kher loh chuan a rin loh tûr a sawi a. Ni riat hnuah Thoma awmlaiin zirtîrte hnênah Isua a inlâr leh a. Thoma hnênah, “Ka nâkah zen rawh; ring lovin awm suh la, ring rawh,” a ti a. Chutah zet zawng Thoman chhuanlam a nei ta lo, a tla fai a ni ber mai.

Ringtu inpâwl khâwmna a tel tam hi kan chakna a ni. Kan inkhâwm bansan lo tûrin fuih kan nih kha. Thoma angin kan hriatthiam lohte i zâwt fiah ngam ve ang u. Thoma ringhleltu-a kha Thoma ringtu rinawm-a a lo ni ta. India mite chanchin ṭha hrilhin a martar hial a ni.

Ka vah bosan tawh lo’ng khawvêlah hian,
Ka hmangaih, ka Lal Chhandamtu;
Aw, i Thlarau Thianghlimin min hruai la,
I hmêl duhawm chu min hmuhtîr rawh.

Pathian mite zîngah i awm zêl ang u.