NUPA INṬHEN

MATTHAIA 19:6
Chutichuan, pahnih an ni tawh lo va, tisa pumkhat an ni tawh zâwk a ni. Chuvângin, Pathianin a zawm tawh chu mihringin ṭhen suh se.

Kan han chhiar tâk kha inmâk a thian leh thian loh chungchanga Pharisai-hovin Lal Isua an zawhna thu kal zêl a ni a. Pathian hmaa pumkhata insiam tawhte tân inṭhen a rem tawh loh thu Lal Isuan a zirtîrna a ni.

Nupa inṭhen an awm fona chhan hi kawng hrang hrangin a sawi theih ang a. A chhan lian tak chu zû vâng niin a lang a. Uire vâng te, inhamtawng lo te, fa neih theih loh vâng te, kut inthlâk chîn vâng te, chhûngte vâng te leh thil dang dang vângin inṭhen a awm thei a. A tîrah thinrim thlâk viau mah se hun a lo kal deuh chuan inṭhen hlen duh anga langte pawh inkoh hâwn leh mai theih a ni a. Hetiang boruakah hian kohhran hruaituten an hriat loh pawhin hriattîr ṭhin a pawimawh hlê. Kristian chhûngkua keh chhiattîr hi Setana thil tum lian tak a ni a, tihhlawhtlina a awm loh nân kan theih chin chinah hma kan lâk vekna tûr chi a ni tih i hria ang u.