TLÂN CHHUAHNA KAWNG

1 KORINTH 10:13
Mihring tuar theih ang chauh lo chu thlêmna rêng rêng in chungah a thleng ngai lo. Pathian zawng a rinawm a ni, ani chuan in tuar theih tâwk aliam chu thlêmna in tawh a phal lo vang; in tuar theihna tûrin thlêmna rualin tlân chhuahna kawng a siam nghâl zâwk ang.

Thlêmna kan tawhin Pathianin tlân chhuahna kawng mi a siam zêl ṭhin. Hmêlmapa hian ‘thlêmna a hautak lutuk, tlan chhuahna a awm lo’ tih hi min zirtîr dân a ni.

Eng emaw châng chuan, ‘a ngaihna a awm lo a ni,’ tiin thiam inchantîr kan tum fo ṭhin a, hei hi a dik lo a ni. Thlêmna kan tawh châng pawhin suala tlu mai lovin tlân chhuahna kawng i pan zêl zâwk ang u. Tirhkoh Paula angin, ‘Mi tichaktuah chuan engkim ka tithei a ni’ tiin hnehtu nih ṭheuh i tum ang.

A hnehtu apiangte lallukhum a pe,
Rin vangin kan hneh ang, chauh châng awm mah se;
Kan Chhandamtu chuan hneh tûrin min pui ang,
Isua lam en fo la, a hruai zêl fo vang che.

LALPA, thlêmna hneh thei tûrin min pui ang che.