IN DAMTLANG EM?

2 LALTE 4:25-26
Chutichuan, a kal ta a, Pathian mi hnênah chuan Karmel tlângah a va kal a. Tîn, Pathian mi chuan hla tak aṭanga a lo hmuh chuan, heti hi a ni a, a chhiahhlawh Gehazia hnênah, “En teh, sawta saw Sunem nu kha a ni; amah hmuak tûrin va tlân la, a hnênah, ‘I dam em le? I pasal a dam em? Naupang kha a dam em?’ lo va ti tawh khai,” a ti a. Tin, ani chuan a lo chhâng a, “Dam e,” a lo ti a.

Elisa hun laiin Sunam khuaa a thlen in nu fapa a dam lo va. Sunam-nu chuan Karmel tlânga Elisa a awm laiin a va pan a. Râl khat aṭangin Elisa chuan a lo hmuhin, a chhiahhlawh Gehazia lo hmuak tûrin a tîr a. Kan chhiar tâk kha zâwt tûra Elisa-in a hrilh anga a zawhna thu a ni.

Sualna chi hrang hrang avângin pa ber emaw, nu ber emaw, fate emaw kan dam lo fur mai. Kan dam lohna tam ber hi chu a palh thil ni lovin kan duhthlanna kan hman sual vang liau liau a ni. In damtlâng em? In nupa in dam em? In fate nen in damtlâng em? Damtlâng lo tân Kalvari doctor, Lal Isua pan tûr a awm e!