A SÂWM RENG CHE

LUKA 14:23-24
Tin, a pu chuan bawih hnênah chuan, ‘Chhuak la, lamlianahte, daiahte kal la, ka in khah nân mi han thlêm lût hrâm rawh. Ka hrilh a che, mi ka sâwmte khân pakhat mahin ka ruaiṭheh an ei lo vang,’ a ti a.

Palestina ramah ruaiṭheh tûrten a nî tûr an hrilh a, a dâr zât an sawi kher lo. Kal tûra sâwmna pawmte chu ruai ṭheh niah engkim an peih diam hnuah an va ko ṭhin. He tehkhin thua mi te; kal ngei tûr sâwmna pawmte an va koh hian chhuanlam an lo siam tlat mai. A pu hnênah chanchin a va hrilh chuan a pu chu a lungawi lo hle mai.

Pathian ram hi inserhna leh insumna hlîra khat ni lovin hlim leh lawmna pawh a awm tih he tehkhin thu hian a entîr. Judaten sâwmna an pawm lo va, Jentail-te sâwm an ni (Mt. 21:43). Berâmno nupui neihnaa sâwmte an nihlawh (Thup 19:7-9). He khawvêl thil ral leh mai tûr hi ruai ropui a tel ṭhulh nân i hmang lo hrâm ang u.

Aw ring mai la, pan mai la,
Lal Isuan a hnar lo che;
Bo tawh mah la, a ngaidam duh che,
A ko va che, a sâwm reng che.

Isuan min sâwm reng a, eng tin nge i chhân dâwn?