CHHIAHHLAWH MAWHPHURHNA

LUKA 17:9-10
In thu anga a tih avângin in bawih hnênah lâwm thu in hrilh ngai em ni? Chutiang bawkin nangni pawhin, in hnêna thupêk zawng zawng anga in tih hnuin, ‘Bawih ṭhahnem lo kan ni e; kan tih tûr rêng a ni kan tih ni,’ ti rawh u,” a ti a.

Bâwih chuan thu a awih avângin lâwm thu an hrilh ngai lo. Hlawh an nei lova, thuneihna engmah an nei bawk lo. An hun leh an chakna zawng zawng a neitu ta leh thu a ni. Mana lei kan ni a (1 Kor 6:20; 1 Pet:18-19), kan damchhûnga theihtâwpa thawk tûr kan ni. Chutianga kan tih pawhin, ‘bâwih ṭhahnem lo, kan tih tûr rêng ti kan ni,’ ti tûr mai kan ni.

Paula’n chhuang takin Krista bâwih a nih a sawi a (Rom 1:1). LALPA’N a bâwih, a chhiahhlawh kan nih a phal hi lâwm thu i hril ang u.

Khawngaihna rawngbâwl hna hi (2)
Lâwm chungin i thawk zêl ang u,
Lal Isuan min hruai dâwn si.

Krista chhiahhlawh ṭha i ni em?