RINGTU KHAWVÊL ÊNG

MATTHAIA 5:14-16
Khawvêl êng in ni e. Tlâng chhîpa khaw awm chu thuhrûk theih a ni lo. Miin khâwnvâr hâlin hrai hnuaiah an dah ngai lo, a dahnaah an dah zâwk ṭhîn; tichuan, in chhûnga mi zawng zawng a ên ṭhîn. Chutiang bawkin in êng chu mi mit hmuhin êng rawh se; chutichuan, in thiltih ṭhatte an hmu ang a, in Pa vâna mi an chawimawi thei ang.

Juda-ho hian khâwnvâr dahna bîk an nei a. Khâwnvâr an chhit rêng rêngin hmun danga dah lovin a dahna tur an siamah chuan an dah a. Inchhûng chu zau zâwkin a ên thei ṭhîn.

Lal Isuan amah ringtute, “Khawvêl êng in ni e,” min han ti hi a lawmawm hle mai. Amaherawhchu, kan awmna tûr dik taka kan awm loh chuan kan êng miten anı hmu dawn lo a ni. Kan ṭhenawm te, kan rawngbâwlpui te, kan thawhpui te, min hmu ṭhin tute ho hian kan êng an hmu em âw? Dikna te, rinawmna te, thianghlimna te nunpuitu chu mi dang tân a êng ṭhîn. Kan chhungkua hi miten ‘Khawvêl êng’ an tih theih tûrin kan awm em le?