MI FEL NIHLAWHNA

MI FEL NIHLAWHNA 1

SAM 37:25
Naupang ka lo ni tawh a, tûnah tar ka lo ni ta a; Nimahsela, mi fel chu kalsana a awm ka hmu ngai lo va, A thlahte chaw khawn pawh ka hmu ngai hek lo.

Kan Bible-in ‘mi fel‘ a tihte hi ‘Pathian ṭih mite‘ hi an ni tlângpui ṭhin. Lal Davida hian he Sam 37-na hi a tar lamah a phuah a. Ama nun leh a mi hriat chiante nun a’n chhût lêt vang vang a, Pathian ṭih mite chu Pathianin a kalsan ngai loh thu leh malsâwmna tam taka a vûr ṭhin ziate a ngaihtuah chhuak a; an thlahte chen pawha chaw khawn khawpa rethei tu mah an awm a hriat loh thu a chham chhuak ta a ni.

Hei hi tun thleng pawhin a la dik zel a. Pathian ṭih mite chu an neih le lu loh pawhin an tlachham ngai lo va. Lalpa’n a awmpui tlat ṭhin avângin an hlimin an lungawi a. Kawng hrang hrangah an thlen chin aṭangin hma an sâwn zêl ṭhin. Kan ramah pawh hian Lalpa ṭih chhûngkuate hi chhûngkaw awhawm leh ding chhuak an la ni zêl dâwn a ni.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.