PAULAN JAKOBA A HMU

TIRHKOHTE 21:24
Chûng mite chu hruai la, an hnênah inthian fai ve la, an lu an meh theih nân an tân sum sêng rawh; chutichuan, mi zawng zawngin mi ka aṭanga i thu an hriat apiang kha, tih tak a ni lo tih an hria ang a, nangmah ngei pawh Dân zâwmin fel takin i awm ve zâwk tih an hre dâwn nia.

Jerusalem-ah Paula a thlen chuan Jerusalem kohhran hruaitu, Jakoba bâkah kohhran upate a hmu a. Pathianin Jentailte zînga an rawngbâwlna mal a sâwm dân a sawi an hriatin Pathian an chawimawi. Jerusalem-a Judate zîngah Paulan Juda ringtharte serhtan a ṭul lo tih thu a sawi avângin Jakoban dân zâwmin fel takin awm ve zâwk tûrin leh an hriatthiam nan an hnêna inthian fai ve tûrin a hrilh a ni.

Paula tum ber chu Judate leh Jentailte Pathian hnêna hruai a ni. Juda dân hnuaia awmte a lâk luh theih nân dân hnuaia awm angin a awm (Tirh. 16:3). Dân nei lo zîngah dân nei lo angin, Krista dân zawm siin a awm (1 Kor. 9:20-21).

Nangmah anga awm tûrin,
Thu awih theihna min pe la;
Ngilnei leh khawngaih a khat,
Thinlung thar min neihtîr la.

Kohhran hruaitu thu i zâwm ve ang u.