THLARAU RAH – NGILNEIHNA

SAM 103:4-5
Boralna lak ata i nun chu a tlan ṭhîn a; Ngilneihna leh lainatnate a khumtîr ṭhîn chia; I kâ chu thil ṭhain a titlai ṭhîn a; Chutichuan, i tleirâwlna chu mupui anga siam tharin a awm leh ṭhîn.

‘Abraham Lincoln-a a lâr êm êmna chhan chu a ngilneih vâng a ni’ an ti ṭhin. Mi ngilnei chuan hmangaihna dai thei lo a nei a, a mizia chuan mite rilru a hneh ṭhin. Paula chuan Timothea chu mi zawng zawng chunga zaidam a, sual chungah pawh dawhthei taka awm tûrin a fuih (2 Tim. 2:24).

Charles Hembree-a, American pa chuan, “Kan meithallâwn khawvêlah hian ngilnei taka thil kan tih thiam a ngai a. Thlaah kan thlâwk kai thei a, boruakah hun rei tak chhûng kan thlâwk kual thei a, thla leh lei inkârah radio-in duh ang angin kan inbe thei a; mah se mihring zînga ngilneihna kan tipung thei si lo hi chu thil mak a ni,” a ti. İntihsakhawmi-na ringawt ai chuan a hun taka mi dang chunga ngilneihna lantîr ṭhin hi a pawimawh zâwk a ni.