ISAAKA – MI DANG REMTU

GENESIS 26:28b-29
‘I pawi kan khawih ngai loh ang leh, thil ṭha chauh lo chu i chungah eng mah rêng rêng kan tih lohva, tlang taka kan kal botîr ta che ang khân, keini pawh kan chhiatna tûr rêng rêng i tih lohna tûrin kan kârah, keini leh nangma kâr ngeiah hian, chhechhamna lo awm tawh sela, i hnênah thu min thluntîr rawh,’ an ti a.

Isaaka chu Gerar khua, Philistin-ho lal Abimeleka hnênah awmhmun a khuar a. Lalpan mal a sâwm a, a lo hausa a, an itsîk a, a pa tuichhunchhuah an hnawh sak a. Esek leh Sitna a laih chu an hnawhsak leh a, Rehoboth a laih leh chu an tibuai ta lo. Siba an laihna khaw hming chu Beer-Seba (thutiam tuichhunchhuah) an vuah a ni.

Isaaka hi a thin a nelin a zaidam khawp mai. Tibuai fo mah se a remtu zâwkah a ṭang thei zêl a ni. Keini pawh kan vêla mite remtuah i ṭang zêl ang u.

Han dâwn ve teh lei hringnun hi,
Inui leh ar zaleng an tam;
Mi dang remtu intihniam te,
Chung Pathian malsâwm an ni.

Isaaka anga mi dang rem tum tlat kan ni em?