Nun Kawng Chaw

I SAWI TUR FIMKHUR RAWH

I SAWI TUR FIMKHUR RAWH

SAM 141:3
Aw Lalpa, ka ka bulah hian vêngtu ṭhuttîr la; Ka hmui kawngkhâr hi vêng ang che.

Sam ziaktu chuan invên reng a ṭul zia hriain a ṭawngṭai. Kan ṭawngṭaina hla lo ni ve se a duhawm hle. Kan thil sawi chhuahte hian zawhna pathum tal kal tlang se a ṭha ang.
• A dik em?
• Thu ngilnei a ni em?
• Sawi chhuah ṭûl a ni em?

Mite siamṭhat nân anmahni hriata thil ṭha leh dik zâwk hrilh chu kan tîm tûr a ni lo. Mi kawng dik lova kal kawng dik kan hrilh loh chuan Pathian lakah kan thiam lo vang. Zîng aṭangin tlai thlengin kan ṭawngkam hi ngaihtuah lêt ila, mi siam ṭha thei thu nge, thusawi ṭûl lo, mi thinlung tinatu kan sawi tam? Ngaihtuah chiangin i fimkhur ang u.

Kristian, kal fimkhur rawh, hlauhawm a hnai,
Hemi khawvêla i awm chhûng zawngin;
Setana thlêmnain i vêl a dap,
Setana hneh nân i Lalpa dîl rawh.

Mi rilru leh thinlung tinatu kan ni em?

2 Comments

  1. Ti na tu nih ka hlau thin, mahse chuti chhung pawh chuan kan lo ti na phal leh thin. Ka hriat loh lai hian he hring nun hia chuan.

  2. A va ropui em

Leave a Reply

Your email address will not be published.

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.