MAHNI INSIAMREM THIAM

— Zata Zadeng
Sialsuk

PUBG LEH GAMES khel lo ang u ka ti ve lo, insiamrem thiam ang u ka ti kei chuan.

Mi tam tak Pubg games hi an duh loh thu sawi an awm fo mai a, Pubg chauh a ni lo, games hrim hrim pawh hi a ni vek âwm e.

Ni e, chin tâwk kan nei ṭhin lova, sawisêl a awlsam phah êm a lawm. Kan phone khawih hun tam zâwk hi Pubg emaw games dang khelh nân kan hmang tam lutuk ṭhin a lawm.

Mahni in manage thiam hi zir ila, phone kan khawih pawhin games khel char char lovin, a ṭha zâwngin a rei lo berah darkâr 2 tal hmang ve ila… zîng thawh tlai phah nân te, hnathawh ṭhulh phah nân ten Pubg emaw games te hi hmang lo ila, tumahin an sawisêl .

Mahni insiamrem (manage) thiam hi zir ila, tum ila, a ṭha viau ang.

Khawvêla mi awhawm ber ka tih chu mahni insiamrem thiam zung zung ṭhin te hi an ni âwm e. Ni e, a pawimawh asin. Kohhran ṭhalai hla zir, inkhâwm, hnathawh tlâi phah nâna kan mobile phone kan hman ṭhin hian sawisêlna a awm fo ṭhin. Chuvangin a chunga kan sawi ang hian mahni insiamrem i zir ang u.