BERAM VENGTUTE KHA

BERAM VENGTUTE KHA

— Ramhlimpuia
Pangzawl

LUKA 2:15
Tin, heti hi a ni a, vântirhkohte chuan vâna an kalsan veleh berâm vêngtute chuan, “Tûnah Bethlehem khaw thlengin kal ila, Lalpan thu min hrilh lo thleng chu i en ang u,” an ti a.

Kan Lalpa Isua piancham hmingin chibai vek u le. Tun ṭumah chuan berâm vengtute aṭanga zir tîr tlêm te i lo ngaihtuahho lawk ang u. Israel te tâna ran pawimawh êm êm chu Berâm a ni kan ti lo thei lo vang, an inthâwina te leh an sa duhber a ni lo vang tih pawh sawi theih a ni lo. An mikhual thlen ni pawh a bâng chuang lo a ni.

Chumi a nih avangin a vêngtu hial an indahhrang a ni. Lalpa thu vântirhkohten an hriattîr khân an berâm hnutchhiahin vântirhkoh thu hrilh chu en tumin an kal nghâl a ni. Berâm chu ran a zawng a ran mâwl ber leh tlawktlaw ber a nih avangin hruai a ngai a, chuvângin vêngtu an awm a ngai a ni. An sakhaw thil pawimawh Berâmte chu a lo bovang tih pawh ngaihtuah lo leh riahna tûr puan ken a ngai ang em? tih pawh ngaihtuah lovin an kal nghal tawp mai a ni.

Chutiang chiah chuan keini ringtute pawh Lalpan thu min pêk hi, thil dang hnutchhiah a tih laklawhlai pawh ni se, Berâm vêngtute ang hian kal nghal pawp mai tûr a ni.

Dawhkân hi kan hre ṭheuh vang a, chumi siamtu chuan awmze nei taka ruahman thlapin a siam a, chumi siamtu siam leh chhâwngtu leh he leia lo dam ve phalsaktu che hian, i tân eng emaw thil fel tak a ruahmansak dâwn lo’m che ni.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.