Year: 2019

MATHAIA 18:3 — Thu dik ka hrilh a che u, in inlamlêta naupang tê ang hi in nih loh chuan vânramah in lût tawp lo vang.

THUFINGTE 10:27 — Lalpa ṭihna chuan dam chhûng ni a tisei a; Nimahsela, mi suaksual kumte chu tihtawi a ni ang

1 KORINTH 6:19-20 - A nih leh, in taksa chu, in chhûnga awm Pathian hnên aṭanga in hmuh, Thlarau Thianghlim in a ni tih in hre lo em ni le? Mahni ta pawh in ni lo va, mana lei in ni tawh asin; chuvângin, in taksaah chuan Pathian chawimawi rawh u.

1 KORINTH 2:4-5 - Tin, in rinna chu mihring finnaa innghat lovin, Pathian thiltihtheihnaa innghata a awm theih zâwkna tûrin, ka ṭawngka chhuak leh ka thuhrilte chu thu finga thlêmna thuin a ni lo va, Thlarau leh thiltihtheihna hriattîrin a nih zâwk kha.

ROM 6:9 — Krista chu mitthi zîng ata kaihthawhin a awm a, a thi leh dâwn tawh lo tih kan hria, thihna chuan a chungah thu a nei tawh lo.