Category: October 2020

THU PUAN 2:19-20 — I thiltih te, i hmangaihzia te, i rinzia te, i rawngbâwlzia te, i chhelzia te ka hria, i thiltih hnuhnûng berte chu a tîra mi ai khân a nasa zâwk tih ka hre bawk. Nimahsela, demna che ka nei, hmeichhia Jezebeli, zâwlneinu intii kha i ngaihtheih avângin; ani chuan ka bawihte chu inngaih leh milem biakna thil ei zirtîrin a hruai bo bawk ṭhîn a ni.

TIRHKOHTE 7:55 — Nimahsela, ani chu Thlarau Thianghlima khat a ni a, vân lam a en tlat a, Pathian ropuizia leh Pathian ding lama Isua ding a hmu a.

THU PUAN 2:12-15 — Khandaih hriam tawn hriam tak neia khân hêng thu hi a sawi a ni: I awmna, Setana ṭhutphah awmna kha ka hria; tin, ka hming i vawng tlat a, ka thu hretu Antipa, Setana awmnaa in zînga an thah, ka mi rinawm tak awm lai meuh pawh khân mi rinna hi i phatsan lo bawk a. Nimahsela, tlêmin demna che ka nei, khata Balaama zirtîrna thu pawm tute emaw in awmpui avâng khân; ani chuan milem biakna sa an eina tûr leh an inngaihna tûrin, Balaka chu Israela thlahte hmaah tlûkna dah a zirtîr kha.

TIRHKOHTE 6:3-4 — Chutichuan, unaute u, in zîngah Thlarau leh fina khat, mi hmingṭha hlîr pasarih thlang rawh u, anni chu hêng thil rêltu atân hian kan siam ang; keini erawh chu ṭawngṭai leh thu rawngbâwlin kan awm leh tlat zêl ang,” an ti a.

THU PUAN 2:9-10 — I hrehawmzia te, i pachhiatzia te (nimahsela, i hausa si a), Juda tak ni lova, Setana inkhâwmna inho ni zâwk sia, Juda intihoten an sawichhiat dân che ka hria. I tuar tûrte hi hlau suh; ngai teh, fiaha in awm theih nân Diabola chuan in zînga mi ṭhenkhat tân inah a khung dâwn che u a ni; tin, ni sâwm hrehawm in tuar ang. Thih thlengin rinawmin lo awm rawh; tichuan, nunna lallukhum ka pe ang che.